Жыл басынан бері Тараз қаласында «Таза Қазақстан» экологиялық акциясы аясында 35 іс-шара өткізілді. Оның ішінде 4 тазалық мәдениетін қалыптастыруға бағытталған түсіндірме кездесулер, 7 тал егу акциясы, 24 тазалық жұмыстары жүргізілді. Осы шараларға қамтылған жастар саны — 2168.
Тазаланған аумақ 5 мың шаршы метр, шығарылған күл-қоқыс 1,5 тонна. Таза Қазақстан акциясы аясында жұмыстарын бұқаралық ақпарат құралдарында жергілікті «Jambyl», «77» TV, «Taraz24» телеарналарына 28 сюжет, баспа БАҚ-да 31 мақала, интернет-ресурстарда 32 материал, әлеуметтік желілерде 4896 пост жарияланып, қала көшелерінде 25 баннер орналастырылды. Сонымен қатар қала тазалығы мен «Таза Қазақстан» экологиялық акциясы «Жасыл ел» еңбек жасақтары да белсене атсалысуда.
Қазіргі таңда, еңбек жасақтары қатарында 297 жастар жұмыс істейді.
2026 жылы Тараз қалалық жастар ресурстық орталығының іс-шаралар ұйымдастыруына жыл соңына дейін 41 млн теңге қаражат қаралып, жалпы саны 10 іс-шара ұйымдастыру жоспарланған. Бүгінге таңда 9 іс-шара мемлекеттік сатып алу конкурсы арқылы жарияланып, іс-шаралар қатары ұйымдастырылуда.
Олардың қатарында қала жастарына арналған оқыту лагері, Халықаралық волонтерлар жылына орай волонтерліктің 12 бағыты бойынша іс-шаралар мен қоса 4 маусым ҚР Мемлекеттік рәміздер күні, 12 тамыз Халықаралық жастар күні сынды мерекелік даталарда бар.
Сонымен қатар орталық тарапынан мемлекеттік әлеуметтік тапсырыстар бойынша 9 жобаға 27 млн теңге қаражат қаралып, бүгінге таңда барлық жобалар мемлекеттік сатып алу конкурсы арқылы жарияланып, жеңімпаздары анықталған.
Жастар ресурстық орталығына қарасты қазіргі таңда «Тараз жастар», Қазақстан студенттер альянсы», «Жамбыл облысының еріктілер қозғалысы» сынды волонтерлық ұйымдар тұрақты жұмыстар жүргізіліп келеді. Атап айтқанда, жастар мен жасөсіпірімдер арасында волонтерлік бағытын дамыту мақсатында 50 іс-шара 1100-ге жуық жастар қатысты.
Қазіргі таңда орталыққа қарасты ұйымдардың жұмысына 500-ге жуық волонтер белсене атсалысуда. 2026 жыл БҰҰ-да Халықаралық волонтерлар жылы болып жариялануына орай жастар орталығымен белсенді 30 волонтерға 50 мың теңгеден қаржылай қала әкімінің бір реттік сыйақысы табысталды. Сонымен қатар белсенділігімен көзге түскен 3 жасқа қала әкімінің атынын 1 жылдық оқу гранты табысталды. Алдағы уақытта белсенді волонтерларды жазғы оқыту лагеріне жіберу көзделуде. Қалада жастар саясатының жүзеге асырылуы бойынша ақпараттықтар БАҚ-да тұрақты түрде жарық көреді. Нақтырақ айтатын болсақ, жыл басынан жергілікті телеарналарда 69 сюжет, баспа БАҚ-да 36 мақала, интернет-ресурстарда 55 материал, әлеуметтік желілерде 7196 пост жарияланған. Материалдар «Jambyl», «77» TV, «Taraz24» телеарналарында, «Жамбыл Тараз» және «Арай» газеттерінің баспа және электронды нұсқаларына жарияланған.
Қорыта келе қала аумағында мемлекеттік жастар саясаты тұрақты әрі жүйелі жүзеге асырылуда. Қала аумағының кеңеюі мен жастар санының едәуір ұлғаюы. Нақтырақ айтатын болсақ, былтырғы жылмен салыстарғанда жастар саны 11,8 пайызға өскен. 2025 жылы жастар саны 129 169. Бұл әрине, бірқатар көрсеткіштердің өсуіне және бірқатар мәселелердің туындауына алып келіп отырғаны сөзсіз. Соған қарамастан бүгінгі таңда Тараз қаласында жастармен жұмыс жоспарлы түрде жүзеге асырылуда.
Жалпы алғанда Тараз қаласы тұрғындарының саны — 487 499, оның ішінде 14-35 жас аралығындағы жастар – 145 765. Бұл қала халқының 29,9 пайыз.
Фото: ztgzt.kz
