Аталған іс-шара Қазақстан Республикасы ІІМ ҚАЖ комитетінің нұсқауына сәйкес өткізілді. Байқаудың негізгі мақсаты – сотталғандардың шығармашылық әлеуетін дамыту, жазбаша сөйлеу дағдыларын қалыптастыру, сондай-ақ тәрбиелік және әлеуметтік-психологиялық жұмыстардың тиімділігін арттыру болып табылады.
Байқау барысында қатысушылар келесі тақырыптар бойынша шығармалар жазды:
– «Менің түзелуге және жаңа өмірге бастар жолым»;
– «Мен үшін бостандық пен жауапкершілік нені білдіреді»;
– «Бостандыққа шыққаннан кейінгі болашағымды қалай елестетемін».
Сотталғандар өз шығармаларында өмірлік ұстанымдарын, болашаққа деген көзқарастарын және заңға бағынатын мінез-құлыққа деген ниеттерін жеткізді. Қатысушылардың жұмыстары мазмұндылығы, шынайылығы және ой тереңдігімен ерекшеленді.
Ұйымдастырушылардың айтуынша, мұндай іс-шаралар сотталғандарды өзін-өзі дамытуға, рухани-адамгершілік құндылықтарды нығайтуға және босатылғаннан кейін қоғамға бейімделуге оң ықпал етеді.
Байқау қорытындысы бойынша үздік жұмыстар анықталып, жеңімпаздар марапатталды.
