Яғни, сотталушы С. жүйелі түрде жоғарыда аталған психотроптық заттарды Алматы қаласынан Тараз қаласына жеткізген, ал сотталушылар Р. және К. оларды Тараздағы дәріханада өткізу мақсатында сақтаған. Дәріханаларды тінту барысында екі қалада «Трамадол» психотроптық заты бар 90-нан астам пластикалық флакон табылды.
Осылайша Жамбыл облысының қылмыстық істер жөніндегі мамандандырылған ауданаралық соты ұйымдасқан қылмыстық топ құрған, басшылық жасаған және оған қатысқан ҰҚТ жасаған психотроптық заттарды ірі мөлшерде өткізу мақсатында заңсыз иемденген, сақтаған деп айыпталған 3 адамға қатысты қылмыстық істі қарады.
Прокурор сотталушы Р.-ға түпкілікті 17 жыл, ал сотталушылар С. және К.-ға 15 жылға бас бостандығынан айыруды тағайындауды сұрады.
Алайда сотталушылар кінәні мойындамады.
Бірақ сот үкімімен Р. ҚК 262-бабының 1-бөлігі және 297-бабының 4-бөлігі бойынша кінәлі деп танылып, оған ҚК 58-бабының 4-бөлігін қолдана отырып, түпкілікті 17 жылға бас бостандығынан айыру жазасы тағайындалды.
Сондай-ақ, С. және К. ҚК 262-бабының 2-бөлігі және 297-бабының 4-бөлігі бойынша кінәлі деп танылып, ҚК 58-бабының 4-бөлігін қолдана отырып, әрқайсысына 15 жыл 3 ай мерзімге бас бостандығынан айыруды тағайындады.
Фото: Arainfo
