Қордай аудандық соты медициналық қызметкерлерге құрметтемеушілік таныту фактісі бойынша азамат Ю.-ға қатысты әкімшілік құқық бұзушылық туралы істі қарады.
Құқық бұзушының кінәсі хаттамамен, жәбірленуші мен куәлердің айғақтарымен расталды.
Бірақ сотта Ю. кінәсін мойындамады.
Ал, жәбірленуші дәрігер Ю.-ны кешірмейтінін айтып, оған қамаққа алу түріндегі жаза тағайындауды сұрады.
Сот құқық бұзушылықтың бірінші рет жасалғанын жеңілдететін мән-жай ретінде таныды. Ауырлататын мән-жайлар анықталған жоқ.
Осылайша сот қаулысымен Ю. кінәлі деп танылып, оған 10 тәулік мерзімге әкімшілік қамаққа алу тағайындалды.
Қаулы заңды күшіне енген жоқ.
Фото: Zakon.kz
