Ізгілік пен мейірімділікті дәріптейтін айтулы күнге орай ұйымдастырылған бейнебайланыс барысында сотталғандар өз ата-аналарына жылы лебіздерін білдіріп, дендеріне саулық, ұзақ ғұмыр, отбасыларына амандық тіледі.
Ата-аналар да өз кезегінде балаларына ақ тілектерін айтып, олардың түзелу жолында табандылық танытып, алдағы уақытта отбасы мен қоғамға пайдалы азамат болуларына тілектестіктерін жеткізді.
Мұндай кездесулер сотталғандардың туған-туыстарымен байланысын нығайтып, отбасылық құндылықтарды сақтауға, үлкенді құрметтеуге және қоғамға қайта бейімделуіне оң ықпал етеді.
Қарттар күні – аға буынға құрмет көрсетіп, олардың өмірлік тәжірибесі мен еңбегін бағалайтын ерекше мереке. Осы орайда мекеме қызметкерлері де барлық қарттарға зор денсаулық, отбасылық амандық пен ұзақ ғұмыр тілейді.
