Көлік руліндегі әйелге қатысты сотқа дейінгі тергеу шаралары қолға алынды. Тергеу барысында әйелдің көлік құралын тізгіндеуге құқығы жоқ екендігі және тиісті дайындықтан өтпегені анықталды.
«Оның жұбайы — автокөлік иесінің үстінен көлік құралын басқаруға рұқсаты жоқ адамды рөлге отырғызғаны үшін қылмыстық іс қозғалды, бұл бап бас бостандығынан айыруға дейінгі жазаны да қарастырады», – дейді өңірлік ПД баспасөз қызметі.
Қазіргі уақытта Көкшетау қаласының мамандандырылған тергеу соты күдіктіге қатысты «үй қамаққа алу» түріндегі бұлтартпау шарасына санкция берді.
«Бұл қылмыстық істі тергеу барысы өңірлік полиция департаменті басшылығының бақылауында», деп толықтырады құқық қорғау органдары.
Естеріңізге сала кетейік, 2026 жылдың 9 мамырында Көкшетау қаласындағы тұрғын үйлердің бірінің ауласында жол апаты болды. Қайғылы оқиғаға видеоға түсіп қалған. Кадрлардан көлік тұрағына бұрылған көлік алдымен бордюрға шығып, содан соң сол маңнан өтіп бара жатқан әйелді қағып, үстінен басып өткен. Әйел қайтыс болды.
Фото: Егемен Қазақстан
