Іс-шараға есірткі қылмысы бойынша жаза өтеп жатқан сотталған азаматтар қатысып, оларға есірткі құралдары мен психотроптық заттардың заңсыз айналымына қатысты заңнамаға енгізілген өзгерістер мен толықтырулар жан-жақты түсіндірілді. Сондай-ақ, есірткінің адам денсаулығына, қоғамға және болашаққа тигізетін зияны туралы ақпарат беріліп, құқық бұзушылықтың алдын алу мәселелері кеңінен талқыланды.
Кездесу барысында сотталғандарға қоғамға пайдалы бағыттағы еріктілік (волонтерлік) қызметке қатысу мүмкіндіктері де таныстырылып, олардың әлеуметтік жауапкершілігін арттыру және қоғамға қайта бейімделуіне қолдау көрсету мәселелері сөз болды.
Мекеме әкімшілігінің айтуынша, сотталғандардың құқықтық сауаттылығын арттыруға және салауатты өмір салтын насихаттауға бағытталған мұндай іс-шаралар алдағы уақытта да тұрақты түрде жалғасатын болады.
Іс-шара соңында қатысушыларға «Есірткіге жол жоқ! Өмірді таңда!» тақырыбындағы жадынамалар таратылып, нашақорлықтың ұлт саулығына, қоғам қауіпсіздігіне және болашаққа төнген қатер екені түсіндірілді. Сондай-ақ салауатты өмір салтын ұстанып, есірткіге қарсы ортақ күреске үлес қосуға шақырылды.
