Басты сот отырысы қашан өтетіні кейінірек белгілі болады. Сот кеңсесінің мәліметінше, Мырзахметовтің ісі Қылмыстық кодекстің 28-бабы, 4-бөлігі, 367-бабының 4-бөлігі және 190-бабы 4-бөлігінің 2-тармағы бойынша қаралып жатыр.
Яғни, қылмыстық құқықбұзушылыққа итермелеу, аса ірі мөлшерде және бірнеше рет немесе адамдармен бірігіп пара беру, сондай-ақ аса ірі көлемдегі алаяқтық бойынша іс қаралуда.
Еске салайық, бұған дейін «Атамекен» ҰКП бұрынғы төрағасы Абылай Мырзахметов екі айға қамауға алынған болатын. Сыбайлас жемқорлыққа қарсы қызмет оны 10 мамырда ұстаған еді. Ол кәсіпкерді, оның туысын қылмыстық жауапкершіліктен босатуға жәрдемдескені үшін аса ірі көлемде пара беруге итермелеген деген күдікке ілінген.
