Оның ішінде:
— Республикалық бюджет 102,1% орындалды (жоспар бойынша 6 913,8 млрд.теңге, 144,1 млрд. теңгеге асыра орындаумен 7 057,9 млрд. теңге түсті), 2020 жылмен салыстырғанда 26,6% немесе 1 482,1 млрд. теңгеге өсті.
— Жергілікті бюджет 106,8% орындалды (жоспар бойынша 3 433,1 млрд.теңге, 233,3 млрд. теңгеге асыра орындаумен 3 666,4 млрд. теңге түсті) 2020 жылмен салыстырғанда 22,8% немесе 681,0 млрд. теңгеге өсті.
2020 жылмен салыстырғанда республикалық бюджетке түсімдер өсімінің ең көп сомасы мұнайға салынатын корпоративті табыс салығы бойынша 533,7 млрд. теңгеге немесе 34,2%, экспорттық кеден баждары бойынша 441,0 млрд. теңгеге немесе 1,8 есе, ЕАЭО елдерінен импортқа қосылған құн салығы бойынша 235,8 млрд. теңгеге немесе 34,7%, үшінші елдерден импортқа ҚҚС бойынша 149,3 млрд. теңгеге немесе 23,1% және пайдалы қазбаларды өндіру салығы бойынша 116,8 млрд. теңгеге немесе 35,1% байқалады.
Түсімдердің өсуіне мынадай факторлар әсер етті.
2021 жылы 2020 жылмен салыстырғанда негізгі экспорттық позицияларға бағаның өсуі байқалады, оның ішінде мұнайға 68,7%, мысқа 50,8%, алюминийге 44,2%, мырышқа 32,2%, күміске 22,5%, қорғасынға 20,4% және алтынға 1,7%. Мұнайға салынатын кедендік әкету бажының мөлшерлемесі 69,2%-ға өсті (2020 жылы 1 тоннаға орташа мөлшерлемесі – 37,9$, 2021 жылы 1 тоннаға – 64,2$).
Үшінші елдермен тауар айналымы 2021 жылы 2020 жылмен салыстырғанда 14,1%-ке өсті (экспорт 25,8%-ке өсті, импорт 6,2%-ке төмендеді).
2021 жылы 2020 жылмен салыстырғанда өткізу бойынша айналым 58,7%-ке өсті (93 231 млрд. теңгеден 147 991 млрд. теңгеге дейін).
2021 жылы бір салық төлеушіге онлайн бақылау-касса машиналарынан орташа түсімі 16,6%-ке өсті (38,3 млн. теңгеден 44,7 млн. теңгеге дейін).
