Қазір бұл іс бойынша сот отырысы басталған. Бұл туралы t.me/stankz сайты жазды. Сотта қаза тапқан қыздың анасы сөйледі. Айтуынша, апат болған күні қызы үйге келіп тамақтанып кеткен. Кейін несиесін өтеу үшін таксимен кеткен екен. Ол қызымен сағат 23:00 шамасында бейнеқоңырау арқылы сөйлескен. Сол кезде қызы таксиде отырғанын, үйге сәлден соң келетінін айтқан. Десе де таңертең олар қызының қаза тапқанын естіген.
Анасы алғашында бұған сенбей, қызын ауруханада комада жатыр деп ойлаған. Ол енді қызын ешкім қайтара алмайтынын, айыпталушыдан ештеңе талап етпейтінін жеткізді.
Марқұмдардың туыстары күдікті Александр Пакты кешіргенін мәлімдеді. Олар күдіктіге бас бостандығынан шектеу жазасын қолдануды сұрады.
Адвокаттың сөзінше, моральдық шығын толық өтелген. Ал сотталушы өз кінәсін толық мойындапты.
Фото: Tengrinews.kz
