Ескертулерге қарамастан, кейбір жүргізушілер ереже бұзып, құқық бұзушылықтарын әлеуметтік желілерге жариялауда.
Олар өз әрекеттерінің салдары неге әкеп соғуы мүмкін екенін біліп қана қоймай, жолдағы өзге де қатысушыларға қауіп төндіруде.
Күні кеше полиция қызметкерлерімен интернет желілеріне мониторинг жүргізу барысында Тараз қаласының көшелерінде жол ережелерін бұзып, әлеуметтік желілерге жүктеген бірнеше автокөліктің жүргізушілері жауапқа тартылды.
Оларға қатысты әкімшілік хаттамалар толтырылды, сондай-ақ “Lexus” маркалы автокөлігі айып тұраққа қойылды.
Жамбыл облысының Полиция департаменті құқық бұзушылықтарды «102» арнасына хабарлауды немесе @zhambyl_police парақшасына жолдауға болатынын жеткізеді. Барлық хабарламалар бойынша дер кезінде қажетті шаралар қабылданады.
