Бұл күні гүл саудасы қызып, дүкендер мен базарларға адамдар сыйлық алуға өте көп келеді. Өздеріңіз білетіндей, гүлдердің негізгі бөлігі шетелден әкелінеді және халықаралық әйелдер күні қарсаңында импорт өсуді көрсетеді.
Маңғыстау облысы бойынша Мемлекеттік кірістер департаменті гүлдерді шетелден әкелуге байланысты қызықты фактілермен бөліседі.
Мәселен, өткен 2023 жылдың қаңтар–ақпан айларында Қазақстанға салмағы 1 341 тонна гүл немесе 24,6 млн. дана гүл талы әкелінген, оның құны 9,5 млн. АҚШ долларына тең болды.
Сұранысы ең жоғары болған – раушан гүлдері: салмағы 799 тонна немесе 18 миллион дана гүл талы әкелінген, құны – 5,8 миллион АҚШ долларына жуық болды. Екінші орында – хризантемалар (салмағы – 134 тонна немесе 2,4 млн.дана гүл талы, құны 1,3 млн. АҚШ доллары), үшінші орында – қалампыр (салмағы – 31 тонна немесе 922,7 мың дана гүл талы, құны 161 мың АҚШ доллары).
Сонымен қатар, лалагүл де жоғары сұранысқа ие болды, оны 35 тонна салмағымен 192 мың АҚШ долларына әкелген, басқа да жаңа кесілген гүлдер (қызғалдақ, hydrangeas, гипсофила, финикс, ирис, гортензия және басқа да экзотикалық гүлдер) салмағы 376,8 тонна, құны 2,2 млн. АҚШ долларына әкелінген.
Гүлдер негізінен Эквадор (769 тонна), Нидерланды (268 тонна), Колумбия (137 тонна), Кения (108 тонна), Израиль (16 тонна), Өзбекстан (14 тонна), Қытай (13 тонна) және Түркия (6 тонна) елдерінен әкелінген.
Салыстыру үшін атап өтсек, өткен 2022 жылдың қаңтар–ақпан айларында Қазақстанға сырттан салмағы 1 059,4 тонна немесе 20,7 млн. дана гүл талы, құны 8,3 млн. АҚШ долларын құрайтын гүлдер әкелінген.
