Time журналының нұсқасы бойынша миллиардер, кәсіпкер, SpaceX компаниясының негізін салушы және Tesla компаниясының директоры Илон Маск «Жыл адамы – 2021» атанды, деп хабарлайды Stan.kz ақпарат агенттігі.
Жыл адамын жариялау рәсімі басылымның YouTube арнасында тікелей эфирде көрсетілді. Журналдың бас редакторы Эвард Фельсенталь айтып өткендей Масктың жыл адамы атануына оның «Жердегі ықпалы» әсер еткен.
Аталмыш номинация жеңімпазын анықтау өткен аптада басылым оқырмандары арасында өткен. Олардың 24% Бразилия президенті Жаир Болсонарға дауыс берген. Қазір Бразилияда оның коронавирус туралы айтқан пікірлеріне тексеріс жүріп жатыр.
Екінші орынша АҚШ-тың бұрынғы президенті Дональд Трамп, одан кейінгі орындарға коронавирус инфекциясымен күрес жүргізген дәрігерлер орналасты.
2020 жылы «Жыл адамы» атағын АҚШ-тың қазіргі президенті Джо Байден мен вице-президенті Камала Харрис жеңіп алған. Ал 2019 жылы бұл атақты Грета Тунберг иеленді.
Time журналының жыл адамын таңдау дәстүрі 1927 жылдан бері жалғасып келеді. Аталмыш номинацияны тек бір ғана адам емес, адамдар тобы мен идея, технология және жылға әсер еткен құбылысқа да беріледі.
