Осыған орай Таразда «Жігер» жобасы таныстырылды. Жоба отбасылық-тұрмыстық жанжалдардың, тұрмыстық зорлық-зомбылықтың алдын алуға және тұрмыстық негізде жасалатын қылмыстардың алдын алуға бағытталған. Бұл отбасылық-тұрмыстық зорлық-зомбылық үшін жауапқа тартылған адамдарға қатысты жасалған атаулы жұмысты білдіреді.
Дөңгелек үстел барысында жобаның негізгі бағыттары туралы «Intellect7G эксперттер және кеңесшілер қоғамы» республикалық қоғамдық бірлестігінің өкілі Маржан Елікұлова, облыстық Полиция департаментінің Жергілікті полиция қызметі басқармасының әйелдерді зорлық-зомбылықтан қорғау тобының аға инспекторы Диляфруз Кинжеханова айтып берді
Кездесуге қатысушылар жоба тұрмыстық зорлық-зомбылықтың жолын жедел кесуге және әлеуетті жәбірленушілер үшін қауіпсіз жағдайлар жасауға, оларға қажетті медициналық, психологиялық, құқықтық және әлеуметтік көмектің өзге де түрлерін көрсетуге ықпал ететініне сенім білдірді.
2024 жылдың сәуір айында Президент Қасым-Жомарт Тоқаев әйелдердің құқықтары мен балалардың қауіпсіздігін қамтамасыз ету мәселелері бойынша заңға қол қойды. Бұл түзетулер әйелдер құқықтары мен балалардың қауіпсіздігін қорғауды күшейту, олардың қауіпсіздігін бұзғаны үшін әкімшілік және қылмыстық жауапкершілікті қатаңдату, отбасылық-тұрмыстық саладағы зорлық-зомбылықтың алдын алуға қатысты. Яғни, осы түзетулердің негізінде Полиция департаментімен тығыз ынтымақтастықта жоғарыдағы «Жігер» жобасы әзірленді. Тұрмыстық зорлық-зомбылық құрбандарына көмек көрсету үшін барлық құқықтық мүмкіндіктерді пайдаланылатын болады.
Фото: Azattyq Ruhy
