Кездесу мақсаты — жастарды шығармашылыққа ынталандырып, өздерінің потенциалын дамытуға көмектесу. Сонымен қатар, өнер мен әдебиет саласындағы тәжірибелерін бөлісу және жас буынның қоғамдағы рөлі туралы ой бөлісу.
Ерболат Заркумов жастарға шығармашылықтың маңыздылығын айтып, кез келген жұмыста табандылық пен жауапкершілік қажет екенін атап өтті. Ол өзінің өмірлік тәжірибесінен мысал келтіріп, жастарға қиындықтарға төтеп беруді және армандарына сеніп, сол жолда еңбек ету керектігін түсіндірді.
Мансар Орынхан өз кезегінде шығармашылық әлеміндегі қателіктер мен сәтсіздіктердің уақытша екенін және олардың әрқашан дамуға мүмкіндік беретінін атап өтті. Ол жастарды өз қателіктерінен сабақ алуға және әрдайым жаңашыл болуға шақырды. Сондай-ақ, қоғамдағы өзгерістер мен жас буынның рөлі туралы сөз қозғады.
Дәурен Тілеухан ақын ретінде әдебиет пен шығармашылықтың күшін сөз етті. Ол әдебиетке деген махаббаттың адамды терең ойға батырып, өмірге жаңа көзқарас қалыптастыруға ықпал ететінін айтты. Дәурен ағамыз жастарды өздерін ашуға, шығармашылыққа бағытталған ізденістерін тоқтатпауға және қоғамдағы өз орнын табуға шақырды.
Жиында Түркістан облысы қоғамдық даму басқармасы “Жастар ресурстық орталығы” КММ-нің “БАҚ пен қоғаммен байланыс” бөлімінің басшысы Қайрат Ақтөре Мейіржанұлы модераторлық етті.
Ал, Сайрам ауданы “Жастар ресурстық орталығы” КММ-нің ұйымдастыруымен білім мен зияткерлікті қатар алып жүруі үшін қолға алынған “Эрудит” интеллектуалды ойыны өтті.
Шараны Түркістан облысы қоғамдық даму басқармасы “Жастар ресурстық орталығы” КММ-нің басшысы Бектаев Ернар Нұралыұлы, аудан әкімінің орынбасары Әліпов Мадияр Бақтыбайұлы, аудан мәслихатының депутаты Каримов Асанәлі Исламбекұлы және Айдарханов Дархан Саматұлы ашып беріп, қатысушыларға сәттілік тіледі.
Жобаның мақсаты – жастардың білімге деген қызығушылығын арттыру, ой-өрісін кеңейту, логикалық және шығармашылық қабілеттерін дамыту, сондай-ақ олардың өзара қарым-қатынасын нығайтып, командалық жұмыс істеу дағдыларын жетілдіру.
Зияткерлік сайысқа облысымыздың 17 аудан, қаласынан түрлі сала өкілдері және жас еріктілерден құралған 15 команда қатысып, өзара бақ сынасты.
Жарыс 5 кезеңнен тұрып, әр кезеңде түрлі салаға байланысты сұрақтар қойылды. Атап айтқанда тарих, әдебиет, спорт, ұлттық дәстүрден бастап логикалық тапсымалар ойынды ширата түсті.
Тартысқа толы өткен зияткерлік ойын қорытындысына сәйкес:
1-орын Созақ ауданы “Теріскей” командасына (300 000тг);
2 орын Түркістан облысы, Келес ауданы “Алаш” және “Келес” командаларына (200 000тг);
3 орын Сайрам ауданы “Бәйтерек” командасына (100 000тг) бұйырды.
“Үздік талпыныс” номинациясын Сарыағаш ауданы “Конина Power” командасы иеленді. (50 000тг)
Байқаудың жеңімпаздары мен жүлдегерлеріне алғыс хаттар мен қаржылай сыйлықтар табысталды.
Сондай-ақ, Түркістан облысы қоғамдық даму басқармасы «Жастар ресурстық орталығы» КММ-нің ұйымдастыруымен «Жеке тұлғалық даму» тақырыбында Жетісай ауданына қарасты «Ғани Мұратбаев атындағы Жетісай гуманитарлық-техникалық колледжі” МКҚК ғимаратында жастардың қатысуымен семинар-тренинг өтті.
Мақсаты — жастардың бойында көшбасшылық қасиеттерді, алға қойған мақсаттарды жоспарлау және оған қол жеткізу, жеке дарындарды анықтау, кәсіби тұлға болып қалыптасу, шығармашылық даму, артылған сенімді ақтауға және жауапкершілікті сезінуге дағдыландыру болып табылады.
Семинар-тренингті арнайы тәжірибелі психолог Нұржан Сапарханұлы және облыстық “Жастар ресурстық орталығы” КММ-нің «Қоғамдық даму және психологиялық көмек көрсету» бөлімінің маманы Жансая Өміртаева жүргізді. Семинар-тренинг барысында жастар жеке тұлғалық қалыптасу мен әлеуметтік кәсіпкерліктің қыр-сыры мәселелеріне жан-жақты талдау жасады. Сонымен қатар кездесуге қатысқан белсенді жастар көшбасшылық қасиеттер туралы баяндап, спикерлерге өздерін қызықтырған мәселелер бойынша түрлі сұрақтар қойып, ұсыныс-пікірлерімен бөлісті. Психолог Нұржан Сапарханұлы жастар тарапынан қойылған сауалдарға жауап берді.
Қоғам мүшелерінің бәріне ортақ бір мінез-құлықтық қасиеттің болуы мүмкін емес. Әр адам өзінше жеке тұлға. Адамдар тұлға болып, өзіндік жеке бас ерекшелігі бірден дүниеге келмейді. Әрбір жеке тұлғаны қалыптастыру, тәрбиелеп жетілдіру қажет. Еңселі еліміздің болашағын жарқын ету жолында аянбай еңбек ететін көшбасшы жастарымыз көп болсын.
Кездесу соңында семинар-тренингке қатысқан жастарға сертификаттар табысталды.
Ал, Сауран ауданы әкімдігі ішкі саясат бөлімінің «Жастар ресурстық орталығы» КММ-нің ұйымдастыруымен жастар мен жасөспірімдер арасында өзекті мәселелердің алдын алу мақсатында Ескі Иқан ауылдық округі, «Қ.А.Ясауи» атындағы жалпы орта мектебінде жасөспірімдер арасында кездесу өткізілді.
Кездесудің мақсаты- жастар мен жасөспірімдер арасындағы өзекті мәселелердің, яғни, құқықбұзушылықтың, ертежүктіліктің, суицидтің, нашақорлықтың, ойынқұмарлықтың, электронды темекі шегудің, әлеуметтік желідегі алаяқтық және т.б. жат қылықтардың адам өміріне қауіптілігін ұғындыра отырып алдын алу, болашақ жастарымызды салауатты өмір сүруге тәрбиелеу.
Кездесуге Сауран аудандық «Жастар ресурстық орталығы» КММ-нің әдіскері А.Сарсенбаев, Әлеуметтік қызметтер көрсету орталығының психолог маманы С.Раметова, Аналар алқасының мүшесі М.Мырзахметова, аудандық емхана психологы М.Жүнісбек қатысып, жастардың қазіргі таңда жаһандық түйіткілді мәселеге айналған жат қылықтардан аулақ болып, салауатты өмір салтын ұстанып, бос уақыттарында кітап оқып, шығармашылықпен айналысуға шақырды.
Фото: Түркістан жастары ресурстық орталығы
