Оқиға орнында жергілікті атқарушы органдар, ТЖД-нен 51 адам, 4 бірлік техника (2 тиегіш, 2 экскаватор), 10 бірлік техника және 6 мотопомпа жұмыс істеді.
Жасөркен ауылында 310 тұрғын үй бар, 2209 адам тұрады.
Жамбыл облысының әкімі Ербол Қарашөкеев Жамбыл ауданындағы Жасөркен ауылының аумағын және оған іргелес аумақтарды тексеріп қайтты.
Қазіргі уақытта су деңгейі 40 см-ден 10 см-ге төмендеді. Суды айдау үшін елді мекеннің су басқан үйлерінің аумағында мотопомпалар жұмыс істеуде.
Тау бөлігіндегі көлбеу ағынды кері қайтару мақсатында 60-қа жуық техника жұмылдырылған.
Тұрғындарды ауыз сумен қамтамасыз ету ұйымдастырылды.
М. Әуезов атындағы орта мектептің оқушылары уақытша онлайн білім алатын болады.
Жалпы алғанда толассыз жауын-шашынның салдарынан Жасөркен ауылында 30-дан астам үй ауласының аумағын, оның ішінде бір тұрғын үй мен уақытша құрылыс нысанына су кірген.
Адам шығыны жоқ. Мал өлімі фактілері тіркелген жоқ.
