Жұбайлық өмірге жаңадан қадам басқан жас отбасы иелері — Лазизхан Шарипов пен Махбуба Шарипова. Олардың бірінің жасы — 22-де, енді бірінің жасы — 28-де. Жас жұбайлар болашақтарының жарқын болуы жолында №584 референдум учаскесіне келіп, өз таңдауларын жасады.
«Бүгінгі күн — еліміз үшін де, біз үшін де ерекше маңызды күн. Құқықтық саясат салтанат құрған мемлекетіміздің әрбір азаматы саяси науқанға қатысып, дауыс беруі міндет деп санаймыз. Сондықтан бүгінгі болатын үйлену тойымызға қарамастан, сайлау учаскесіне келіп, өз таңдауымызды жасадық, — деді жас жұбайлар.
Жуырда Келес ауданының Ақтөбе ауылдық округінің 33 жастағы тұрғыны 7 қыздан кейін үшем босанып, 10 баланың анасы атанған болатын. Көптен күткен ұлдарына Қасым, Жомарт есімдері, қыздарына Кемел есімі берілген еді.
Келес ауданының тұрғындары АЭС салуға қатысты референдумда белсенділік танытып жатыр. Бұл еліміз тәуелсіздік алғалы өтіп жатқан төртінші референдум. Ал бұл – саяси өзгерістерге қатысы жоқ алғашқы референдум.
Осы орайда Келес ауданындағы үшемнің анасы Гүлназ Мыңжасар осындай шешуші сәттен қалыс қалмау қажет деп шешкенін айтады. Ақтөбе ауылдық округінде тұратын «Алтын алқа» иегері Гүлназ Мыңжасар сайлау учаскесіне үшем Қасым, Жомарт, Кемелді ертіп келді.
«Бүгін сайлауға келдік. Осындай шешуші сәттен қалыс қалмауымыз қажет деп таптық. Өйткені балаларымыздың ертеңі бүгінгі шешімге байланысты. Балаларымыздың болашағы жарқын болсын деген ниетпен таңдау жасадық, — дейді алтын құрсақты ана.
Саяси науқанда белсенділік танытқан үшемдердің ата-анасына естелік сыйлықтар табысталды. Жалпы, Келес ауданында дауыс беруге келіп жатқан көпбалалы аналардың қарасы қалың.
Фото: Келес Ауданы Әкімдігі
