Алматы полициясы белсенді Жанболат Мамайды екі айға қамауға алды. Бұл туралы қалалық полиция департаментінің баспасөз қызметі хабарлады.
Құзырлы органның мәліметінше, Алматы қалалық полиция департаментінің тергеу басқармасы Жанболат Мамайға қатысты Қылмыстық кодекстің 378-бабы 2-бөлігі және 274-бабы 2-бөлігі бойынша қылмыстық істі тергеп жатыр. Тергеушінің сұрауы бойынша сот белсендіні екі ай мерзімге қамауға алуды санкциялаған. Сонымен қатар, ведомство сотқа дейінгі тергеу объективтілік, толықтық және жан-жақтылық қағидаттарына сай жүргізілетінін атап өтті.
