Жақында ҚР Мемлекеттік қызмет істері агенттігінің Жамбыл облысындағы Әдеп жөніндегі кеңесі 2024 жылы Жамбыл облысындағы мемлекеттік қызметшілердің іс-әрекеттеріне қатысты БАҚ-тағы, сондай-ақ түрлі интернет-ресурстар мен әлеуметтік желілердегі жағымсыз жарияланымдарға жүргізілген мониторинг нәтижелерін қарады.
Мемлекеттік қызмет саласындағы бақылау басқармасының бас маманы С. Джузбаеваның айтуына қарағанда 21 (91,3%) жарияланым бойынша Агенттікке тиісті ақпарат жолданған. 18-ы немесе 78,2%—ы жергілікті атқарушы органдардың, 3-і немесе 13,1%—ы орталық мемлекеттік органдардың аумақтық бөлімшелерінің және 2-і немесе 8,7%—ы құқық қорғау органдарының қызметкерлеріне қатысты.
Жағымсыз материалдардың 11-і немесе 47,8%-і расталған. 6-ы бойынша расталмаған ақпараттарды теріске шығару жөнінде тиісті жұмыстар атқарылды, ал қалған 6-ы құқық қорғау органдарымен сотқа дейінгі тергеп тексеру жүргізілуде және соттың шешімі шыққандар.
Расталған 11 жарияланымның 10-ы жергілікті атқарушы органдардың, 1-і орталық мемлекеттік органдардың аумақтық бөлімшелерінің қызметшілеріне қатысты.
Фото: tobolinfo.kz
