Ер адам медициналық куәландыруға жеткізіліп, сараптама қорытындысына сәйкес «орта дәрежедегі” масаң күйде болғаны расталды.
Сондай-ақ, жүргізушінің 2023 жылы қараша айында Алматы қаласының әкімшілік сотымен 7 жылға көлік құралын басқару құқығынан айырылғаны анықталды.
Аталған дерекке қатысты сотқа дейінгі тергеп-тексеру амалдары басталды, тиісті сараптамалар тағайындалды. Ер адам уақытша ұстау изоляторына қамаққа алынды.
– Полиция қызметкерлері ұдайы және күнделікті жүргізетін профилактикалық іс-шараларға қарамастан, жүргізушілердің заңды құрметтемейтіні, жол қозғалысының барлық қатысушылары үшін қауіп төндіретін осындай құқық бұзушылықтары анықталуда. Әр адам мас жүргізушінің қылмыскер екенін білуі керек. Көбінесе масаң күйінде адамдар ауыр апаттар жасайды. Заңнамада осы санаттағы адамдарға қатаң жауапкершілік қарастырылған. ҚР ҚК-нің 346-бабы 2-бөлігінің санкциясына сәйкес 6 жылға дейінгі мерзімге бас бостандығынан айыру және көлік құралын басқару құқығынан өмір бойына айыру жазасы қарастырылған, — деді Жамбыл облысы ПД ЖПҚБ бастығының орынбасары полиция подполковнигі Ержан Мананбаев.
