Ағымдағы жылдың 27 қазанында сағат 12:10 шамасында Қаратау қаласының көшелерінің бірінде полиция қызметкерлері «Changan SC» маркалы автокөлігін байқаған.
Автопатруль экипажының инспекторлары жүргізушіден тоқтауды сұраған, алайда ер адам тәртіп сақшыларының заңды талаптарына бағынбай, жүруді жалғастырған.
Полицейлер жүргізушіні қуып жетіп, көлікті тоқтатқан. Құжаттарын тексеру барысында Талас ауданының 50 жастағы тұрғыны көлікті масаң күйде басқарғаны байқалды.
Медициналық сараптаманың қорытындысы сәйкес оның мас күйде көлік басқарғаны расталды.
– 2020 жылдың қаңтар айында құқық бұзушы сот шешімімен 5 жыл мерзімге көлік құралын басқару құқығынан айырылғаны анықталды. Қазіргі таңда ҚР ҚК-нің 346-бабының 1-бөлігі бойынша сотқа дейінгі тергеу амалдары басталды. Күдікті уақытша ұстау изоляторына қамаққа алынды, — деді Талас АПБ бастығының бірінші орынбасары, полиция подполковнигі Мадияр Қожахметов.
Жамбыл облысының Полиция департаменті мас жүргізуші туралы «102» пультіне немесе Instagram желісіндегі «zhambyl_police» ресми парақшасына жазу арқылы хабарлауға болатынын жеткізеді. Барлық алынған хабарлар бойынша полиция қажетті шаралар қабылдайды.
