Өрт сөндірушілердің жедел әрекеттері өрттің таралуы мен ықтимал ауыр зардаптарды болдырмауға мүмкіндік берді. Сөндіру барысында көлемі 50 л газ баллоны уақтылы шығарылды. Осылайша өрт сөндірушілер ықтимал жарылыстың алдын алды.
Сондай-ақ, 13-маусым күні де ТЖМ өрт сөндірушілері жанармай бекетіндегі жарылыстың алдын алды. Нақтырақ айтатын болсақ, Жамбыл облысы пультіне Қордай ауылындағы жанармай құю стансасында жеңіл автокөліктің өртенуі туралы хабарлама келіп түскен.
Оқиға орнына дереу ТЖМ күштері мен құралдары жетті. Оқиға орнына келген кезде жеңіл автокөлік пен үш жанар май құю колонкасын жалын шарпығаны анықталды. Өрт сөндірушілердің үйлесімді және жедел әрекеттерінің арқасында өрт дер кезінде оқшауланып, толықтай сөндірілді. Зардап шеккендер жоқ. Өрттің шығу себебі анықталуда.
Фото: Zakon.kz
