Жедел ақпаратты іске асыру барысында «Меркі-Шу-Бурылбайтал» трассасының 85-шақырымында «Нива» маркалы автокөлігі тоқтатылды. Тексеру кезінде машинаның артқы орындығынан Шу қаласының 50 жастағы тұрғыны — жолаушыға тиесілі есірткіге ұқсас жасыл түсті заты бар полиэтилен пакет табылды.
Сараптама қорытындысына сәйкес, тәркіленген зат жалпы салмағы 14 келі 60 грамм болатын «кептірілген марихуана» есірткі құралы болып табылады.
— Ұсталған азамат кінәсін мойындап, Шу ауданының уақытша ұстау изоляторына қамаққа алынды.
Қазіргі уақытта осы дерекке қатысты Қазақстан Республикасы Қылмыстық кодексінің 296-бабы 4-бөлігі (Аса ірі мөлшерде есірткі құралдарын заңсыз сақтау) бойынша сотқа дейінгі тергеп-тексеру амалдары басталды. Бұл баптың санкциясы 3 жылдан 7 жылға дейінгі мерзімге бас бостандығынан айыру түріндегі жазаны қарастырады,-деп хабарлады Полиция департаментінің Есірткі бизнесіне қарсы іс-қимыл басқарма бастығы полиция подполковнигі Әлім Бажықбаев.
