Құқық бұзушы сағат түнгі 03.00 шамасында ауданның орталық көшесінде автокөлігінің артқы жүк салғышының үстіне пиротехникалық затты (скотчпен) жабыстырып, көлігін жүргізе отырып, айналаға от шашу жасаған.
28 жастағы ер адамға ҚР ӘҚБТк-нің 436-бабы 2-бөлігімен әкімшілік хаттама толтырылып, жауапкершілікке тартылды.
Жамбыл облысы Полиция департаменті тұрғындарға өзінің және басқа да азаматтардың қауіпсіздігі үшін пиротехникалық заттарды белгіленбеген орындарда пайдаланбауды, сатпауды, осыған қатысты кез-келген заң бұзушылық әкімшілік және қылмыстық жауапкершілікке әкелетінін ескертеді.
Фото: Жамбыл облысы Полиция департаменті
