Көлік министрлігінің мәліметінше, жергілікті жолдардың 89 пайызы нормативтік деңгейге сай.
— Дегенменде бұл көрсеткіш, халықтың шағымдарын ескере отырып, белгілі бір күмән тудырады, — дейді сенатор Әлібек Нәутиев. — Жолдарды жөндеуге барлық өңірлер үшін бірыңғай тәсілдердің қолданатынына қарамастан, облыстар бөлінісінде жолдардың жай-күйінде айтарлықтай алшақтық байқалады. Мысалы, егер Жамбыл облысында жолдардың 99% нормативтік жағдайда болса, Батыс Қазақстан облысында бұл көрсеткіш 2 есе төмен және тек 56% құрайды. Қолданыстағы нақты жағдайды анықтау және жөндеу жұмыстарын қаржыландырудың оңтайлы тетігін әзірлеу үшін жергілікті жолдардың барлық учаскелеріне диагностика мен паспорттау жүргізу қажет.
Тағы бір мәселе — автомобиль жолдарының, әсіресе облыстық және аудандық маңызы бар жолдары сапасының төмендігі. Мұның негізгі себептерінің бірі автомобиль жолдарын салу және жөндеу объектілеріндегі техникалық қадағалау деңгейінің жеткіліксіздігі болып табылады.
Мәселен, Жол активтері сапасының ұлттық орталығы соңғы 5 жылда жұмыс жүргізу объектілерінде техникалық қадағалау қызметтері болмауының 500-ден астам фактісін анықтады. 2023-2024 жылдары аралығында бір технадзордың бір мезгілде іске асырылып жатқан бес объектіде әрі еліміздің әртүрлі өңірлерінде бекітілген 130-дан астам факт анықталды.
Нәтижесінде мұндай объектілерде сапасыз жол-құрылыс материалдарын пайдалану және технологияларды сақтамау жағдайлары анықталып, өз кезегінде жолдардың сапасына теріс әсер етуде.
Фото: Караван
