Түркістан облысында 518 100 адам COVID-19 індетіне қарсы вакцина салдырған, деп хабарлайды облыс әкімінің баспасөз қызметі.
Соңғы тәулікте 11 070 адам екпе қабылдаған. Облыста 22 ақпаннан бастап екінші компонентпен (ревакцинация) 363 100 адам вакцина салдырды.
Түркістан облысының 2088 тұрғыны отандық QazVac-ты ектірген.
Бүгінде облыс тұрғындары Спутник-V, QazVac, Hayat Vax және қытайлық CoronaVac вакциналарын қабылдай алады. Соңғы тәулікте Түркістан облысында 77 адамда COVID-19 індеті анықталды. Тәуліктік өсім — 1,02 %. Облыста 846 038 ПТР сынама алынған.
Ал, соңғы тәулікте зертханаларда 1504 адам тексерілді. Жұқпалы аурулар ауруханасында барлығы 1200 орын бар, оның 570-і бос.
Жалпы, пандемия басталғалы Covid-19 инфекциясы расталған 7554 жағдай тіркелді. Оның 4773-де ауру симптомсыз өткен болатын.
