Қазіргі таңда техниканың қарқынды дамыған заманында балаға түзу тәрбие беру ісі маңызды.Теледидар алдында баланың ұзақ отыруы (қандай мазмұндағы сюжеттерді көріп отырғандығына ерекше мән беру керек), телефонға көбірек қарап ойынмен әуес болуы бала тәрбиесіне қауіпті жағдайлар. Мейірімге қанбаған бала мейірімсіз болады. Теледидар мен телефон ата-ана мейірімін, тәрбиесін бере алмайды. Қазіргі күні жасөспірімдер арасындағы қатыгездік түрлерінің артуы да, немесе өз-өзіне қол жұмсаудың көбеюі де осы себептерден болса керек-ті.
Өкінішке қарай бүгінде жасөспірімдер арасында түрлі келеңсіздіктерге жиі куә болып жүрміз. Олардың қатыгездікке бейімділігі, суицид, толеранттылықтың төмендігі, басқа да мәселелер, бұлар бір жақты қарайтын дүние емес. Дегенмен, түп негізінде отбасының рөлі зор деп санаймын. Мемлекетшіл азамат қашанда отбасынан алған тәрбие мен жалпы қоғамдық құндылықтардан қалыптасатыны белгілі.
Өмірімізге жаңалықтар жан-жақты енуде. Бұл орайда ұлттық құндылықтар мен заманның озық үлгілерін бір-бірімен ұштастыра отырып, балаға білім беру – біздің басты мақсатымыз.
Осы орайда, 2023 -2024 оқу жылында Қазақстан Республикасы Оқу-ағарту министрлігінің Адамды үйлесімді дамуы ұлттық институтының бастамасымен балаларды оқыту және тәрбиелеу мәселесі бойынша мектептің ата-аналармен қарым-қатынасын күшейту, балаларды тәрбиелеу мен дамытуда ата-аналардың жауапкершілігін арттыру, сондай-ақ берекелі отбасы мәдениетін дамыту мақсатында орта білім беру ұйымдарында «Ата-аналарды педагогикалық қолдау» орталықтары ашылып, облыс бойынша 445 жалпы білім беретін ұйымдарда ата-аналарды қолдау орталықтары бойынша кабинеттер, арнайы бұрыштар ашылып, жалпы білім беретін мектептерде ата-аналарды педагогикалық қолдау орталықтарының бұйрықтары шығарылып, жұмыстар ұйымдастырылуда.
Білім беру ұйымдарындағы «Даналық мектебі» клубында 982 тренинг өткізіліп, оған 58 876 тыңдаушы, сәуір айында ата — аналарға 10229 сабақ өткізіліп, бастауыш буында 77343 (83,3%) ата-ана, орта буында 90766 (75,8%) ата-ана, жоғарғы буында 24162 (94,9%) ата-ана қатысты.
«Тоғыз ай — 9 іс шара», «4 тоқсан — 4 жоба» жобалар шеңберінде іс-шаралар өткізу арқылы тәрбие жұмысы күшейтілуде. Сондай-ақ, білім беру ұйымдарындағы бала тәрбиесіндегі отбасы институтының ролін нығайту, ата-ана мәдениетін қалыптастыру және ұлттық әдеп ғұрыптар мен салт-дәстүрлерді дәріптеу мақсатында «Даналық мектебі» клубының жұмысы «Ата өсиеті», «Әже даналығы», «Аға қаморлығы», «Жеңге кеңесі» секцияларының жұмыстары арқылы жүзеге асырылуда.
Сонымен қатар, облыс мектептерінде білім алушы қыз балаларды ұлттық санада және рухани-адамгершілік жағынан тәрбиелеуді, болашақ ана ретінде дайындауды мақсат еткен «Қыз Жібек» клубтары жұмыс жүргізуде және мүдделі мемлекеттік органдар мен қоғамдық ұйымдармен, ата-аналармен бірлескен жұмыстар жалғасын табуда.
Фото: Esquire Kazakhstan
