2024 жылдың қыркүйек айында Тараз қаласындағы мектептердің бірінде азамат С.-ның қызы өзінің 15 жасар сыныптасы Т.-ның заттарын лақтырып және сөмкесін теуіп, бұл әрекеттерін бейнежазбаға түсіріп, әлеуметтік желіге жариялаған.
Сотта әкесі кінәні толық мойындап, алдағы уақытта мұндайға жол бермейтінігін айтып көрсетті. Кінә оқиға туралы полиция бөліміне келіп түскен хабарламамен, жәбірленуші өкілінің жазбаша өтінішімен, хаттамамен, бейнежазбамен және басқа да іс құжаттарымен дәлелденді.
Жазаны жеңілдететін мән-жайлар ретінде кінәсін мойындауы мен шынайы өкінуін таныды.
Сот жасалған бұзушылықтың сипатын, кінәлінің жеке басын, мүліктік жағдайын, жауаптылықты жеңілдететін мән-жайларды ескеріп, ескерту жасау түріндегі әкімшілік жаза тағайындады.
Қаулы заңды күшіне енді.
Фото: astana.sud.kz
