Оның біреуіне сонымен қатар, қылмыстық жолмен алынған қаражатты заңдастырды деген де айып тағылған.
Нақтырақ айтсақ, Тараз қалалық көпбейінді ауруханасының бас дәрігерінің орынбасары мен осы аурухананың бас бухгалтері екеуі қалалық аурухананың 758 млн. теңгеден астам қаржысын алаяқтық жолмен жымқырған.
Бас дәрігердің орынбасары сондай-ақ қылмыстық жолмен алынған қаражатты заңдастыру арқылы 4,4 млн. теңге мөлшерінде кіріс тапқан.
Прокурор бас дәрігерінің орынбасарына 10 жылға бас бостандығынан айыру жазасын, бас бухгалтерге 6 жыл 8 ай бас бостандығынан айыру, сондай-ақ екеуіне де 10 жыл мерзімге белгілі бір лауазымдарды атқару құқығынан айыра және мүлкін тәркілеу жазасын тағайындауды сұрады.
Сотталушы бас бухгалтер кінәсін толық мойындады, ал бас дәрігердің орынбасары кінәсін мойындаған жоқ.
Сот үкімімен бас дәрігердің орынбасары 10 жыл мерзімге белгілі бір лауазымдарды атқару құқығынан айыра отырып, мүлкін тәркілеп, 9 жылға бас бостандығынан айыру жазасын, ал бас бухгалтерге 10 жыл мерзімге белгілі бір лауазымдарды атқару құқығынан айыра отырып, мүлкін тәркілеп, 6 жылға бас бостандығынан айыру жазасы тағайындады.
Фото: Medikal
