Іс материалдарына қарағанда Ресейден Таразға құс етінен өнім жеткізумен айналысқан екі азамат жергілікті кәсіпкерлермен танысып, олардың сеніміне кірген. Олар аса ірі мөлшерде ақша қаражатын иемдену мақсатында қылмыстық іс-қимыл жоспарын жасап, кәсіпкерлерден үлкен сомада қаржы алатын схема әзірлейді. Ал, кәсіпкерлер дивидендтер төлейтін бизнеске ақша салдық деп сенген. Алайда, барлық «дивидендтер» өз ақшаларынан төленді, ешқандай бизнес болмаған және сотталушылардың қарыздарын қайтару да жоспарланбаған.
Осылайша жәбірленушілерге келтірілген залал сомасы 1 миллиард 290 миллион теңгеден асты.
Сотталушылар өздерінің іс-әрекеттері азаматтық-құқықтық қатынастарға жататындығын айтып, кінәні толық мойындамады. Бас бостандығынан айыруға байланысты емес жаза тағайындауды сұрады.
Сот үкімімен сотталушылар ҚР ҚК 190-бабы 4-бөлігінің 2) тармағы бойынша кінәлі деп танылып, біреуіне — 8 жыл, еікншісіне — 6 жыл және үшінші сотталушыға — 5 жыл бас бостандығынан айыру түріндегі жаза тағайындалды.
Фото: top-zakon.kz
