Облыс орталығынан шалғай орналасқан бір ғана Шу ауданының өзінде бірнеше электр стансалары жұмыс істеуде. Өткен жылы тағы бір су электр стансасының құрылысын басталған. Оның да құрылысын сондағы «Тасөткел» су электр стансасының мердігері «Компания АТ-Энерго А» ЖШС жүргізуде. Жобаның қуаты сағатына 7 мегаватты құрайды.
Жобаға жауапты «АНТ Энерго А» ЖШС директоры Батыржан Қожайбайдың айтуынша, жобалық құны 5 миллиард 163 миллион теңгені құрайтын стансаға ресйлік «ЛОГИТЭК» ЖШС инвестиция құйыпты.
«Тасөткел» су қоймасындағы үшінші стансаның құрылысы өткен жылдың тамыз айында басталған. Жоспар бойынша станса 2023 жылы толығымен пайдалануға берілуі тиіс. Құрылысқа жауапты бас мердігер «ПМК 46»ЖШС-ның жұмысшылары жұмысты дер кезінде бастап, құрылыс қарқынды жүруде. Жаңа стансаға жергілікті әкімдіктен 4,5 гектар жер телімі берілген. Қабырғасы қаланып жатқан су электр стансасы түгелдей австриялық құрылғылармен жабдықталады. Бұл өз кезегінде энергия өндірудегі сапаның жоғары болуы үшін аса маңызды болып отыр. Бір ескеретін жайт, қазір салынып жатқан СЭС біздің үшінші жобамыз. Сәтін салса, алдағы жылдары «Тасөткел» су қоймасының маңынан күн электр стансасының құрылысын бстауды жоспарлаудамыз, — дейді серіктестік директоры.
«Компания АТ-Энерго А» ЖШС Шу ауданы аумағында 2013 жылдан бері жұмыс істеп келелі. Аталған серіктестіктің ұйытқы болуымен сол жылдары бірегей жоба жүзеге асқан болатын. Атап айтсақ, «Тасөткел» су қоймасы маңынан судан қуат өндіретін стансаның құрылысын жүргізіп, пайдалануға берді. Өткен жылы серіктестік су электр стансасының екінші кезеңін жүзеге асырды. Бұл серіктестіктің бұған дейін де жұмыс істеп тұрған су электр стансасы сағатына 2,2 мегаваттэлектр энергиясын өндіруде. Бұл стансадан өндірілген электр энергиясын Қордай мен Т.Рысқұлов аудандарының тұғындары тұтынса, екінші салынған станса өз өнімін «KEGOK» АҚ-на саудалауда.
«Компания АТ-Энерго А» ЖШС директоры Саид Ахаев былтыр екінші жоба сәтті аяқталғаннан кейін үшінші су электр стансасының құрылыс жұмыстарын бастап кеткенін, ол жұмыстар жартысынан асқанын айтты.
Жоғарыдағы аталған барлық жобалардың жүйелі жұмыс істеуінің нәтижесінде бюджетке түсетін салық өсімі еселеніп, жаңа жұмыс орындары ашылып, сондай-ақ өнеркәсіп пен құрылыс нысандарының қатары арта түсетіні сөзсіз. Бұның бәрі аудан тұрғындарының әлеуметтік-экономикалық және экологиялық жағдайын жақсартуға септігін тигізері де анық.
