Амангелді Нұғманов қазақстандық фермерлерге несие қаржысы өте аз мөлшерде берілетіні туралы қаншама жыл бойы айтылып келе жатқанын және жыл сайын мемлекеттен агроөнеркәсіп кешенін қолдауға қомақты қаржы бөлінетінін жеткізді.
«Бүгінгі таңда мұндай оғаштықтың себебі — ауыл шаруашылығы тауарын өндірушілер екінші деңгейдегі банктер мен Аграрлық несие корпорациясы арқылы несие алуға құлқы жоқ. Сонымен қатар ауыл шаруашылығы саласындағы қолданыстағы несие беру тетігі тек ірі жобаларға 2,5%-бен және агроөнеркәсіп кешеніндегі жобаларға несие беру қағидасында көрсетілген бағыттар бойынша беруді көздейді, яғни айналым қаржысы мен өзге де жобаларға несие беру көзделмеген», — деді сенатор.
Депутат шағын және орта қорландырудағы шешілмеген мәселелерге де назар аударды. Мемлекет басшысы Қасым-Жомарт Тоқаев өзінің халыққа Жолдауында да осы туралы айтқан болатын. Сенатор Нұғманов несие беру туралы қағидаларға орталық және жергілікті атқарушы органдар айқындайтын АӨК саласындағы өзге де басым жобаларға несие беру жөнінде өзгерістер енгізу мәселесін қарауды ұсынды.Ф
Фото. Inbusiness.kz
