Сауда және интеграция министрлігі Қазақстанда үш айдан соң қант тапшылығы мәселесі болмайтынын, елде қант қорының бар екенін және Ресейден де басқа елдерден алдыра алатынымыз туралы мәлімдеме жасады.
“Қант тапшылығы жоқ. Сауда желілері мен тұрақтандыру қорлары қоймаларындағы қант қоры кемінде үш айға жетеді. Сонымен қатар өндіріс көлемінде оның импорты жалғасуда. Елдегі қорлардың барлығы үнемі толтырылып отырады. Яғни елде қант таусылады деген ақпарат шындыққа сәйкес келмейді”,- деді министрліктің баспасөз хатшысы Әлішер Өмірзақ.
Елімізде қантты өндірумен қатар басқа елдерден әкелу мүмкіндігі болғандықтан министрлік халықтың дүрбелеңге салынбауын сұрады.
Жұма мен сенбі күндері еліміздің барлық аймақтарында дүкендерде қарбалас болып, сатып алушылар сөрелерде қант қалдырмаған. Бұл кейбір сатушыларға баға бойынша алыпсатарлық жасауға мүмкіндік беріп салдарынан кейбір өңірлерде қанттың құны 500 теңгеден жоғары көтерілгені хабарланды.
Ресейдің Украинға әскери операция бастауына байланысты салынған санкциялар бойынша қант және басқа да өнімдерді экспорттауға жарты жылға тыйым салынған болатын.
