Ең бірінші мәселе – 1984 жылы «Сарыағаш» және «Арман» шипажайына арналып салынған кәріз жүйесінің жарамсыз жағдайға жеткені. Бүгінгі күні, Көктерек кентінде орналасқан 60 шипажай мен 1000-нан астам тұрғын үйлердің кәрізі тозып, жарамсыз болып қалған.
Сарыағаш ауданы әкімдігі тарапынан жасалған жобалық сметалық құжаттар мемлекеттік сараптамадан өтіп, 2024 жылы 4 қаңтар күні оң қорытындысын алған. Жобаның түзетілген сметалық құны – 1 945 853 млн теңгені құрайды. 2025 жылға облыстық бюджеттен – 191 657 млн теңге бөлінген. Бірақ, Көктерек кентінің кәріз жүйесінің құрылысын толық аяқтау үшін республикалық бюджеттен 1,3 млрд теңге қаржы бөлуді қажет етеді.
«Негізі бұл мәселе көршілес мемлекет пен аудан тұрғындарына үлкен экологиялық қауіп төндіруде. Себебі, кәріз жүйелерінен шыққан сасық сулар шипажайға жақын орналасқан Келес өзеніне ағып бару қаупі бар. Ал, Келес өзенінің суын 600 мыңнан астам адам пайдаланып келеді» дейді Мәжіліс депутаты.
Фото: 7kun.kz
