Көрерменнің көзайымына айналған «Келінжан» сериалының актерлері Дариға Бадықова мен Рүстем Жаныаманов бірігіп ән жаздырды. Жаңа туынды «Махаббаттың мейрамы» деп аталады, деп жазады Stan.kz ақпарат агенттігі.
Актер мен актриса телехикаяда Айсара мен Қылышбектің рөлін сомдаған еді.
«Тыңдармандардың, көрермендердің, Қылыш пен Айсараның жанкүйерлерінің сұрауымен ән жаздық, ағайын! Қолдауларыңыз керек. Жаңа әннің тағдыры сіздердің қолда. Хитке айналдырып жіберейік жабылып, иә?
Қылыш пен Айсарада өнер жетеді, байқадыңыздар ма? Әнді қалай айтады! Барша жұпқа Қылыш пен Айсаранікіндей махаббат тілейміз. Жан дүниелеріңіз жараса берсін! Әңгімелеріңіз таусылмасын!» — деп жазба қалдырды Бадықова желідегі парақшасында.
Фанаттар әннің сөзсіз хитке айналатынын айтып, жылы тілектерін білдірді.
«Хит қой», «Жарайсыңдар», «Жүрекке жететін ән екен, өнеріңіз өрге жүзсін. Халыққа ән тарту етіп жатқан еңбектеріңізге мың алғыс. Айсара мен Қылыш біздің ауылдағы көкеміз бен жеңгеміздей болып қалды ғой», «Керемет», «Тамаша жұп», — деп жазды олар.
