Онда азық-түлік, гигиеналық және күнделікті тұрмысқа қажетті заттар мен балаларға арналған киім-кешектері бар.
Бұл гуманитарлық көмек керуені Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның бастамасымен жүзеге асырылуда.
Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия өкілдері Арқалық қаласы мен Амангелді, Жангелдин аудандарында болып, жергілікті жұртпен жүздесіп, талап-тілектерін тыңдады. Тасқынның зардабын жоюға байланысты атқарылып жатқан жұмыстармен танысты. Қазір бұл өңірде барлық елдімекендерге қатынас бар, алайда бірнеше ауыл әлі жарықсыз отыр. Сонымен қатар, Жангелдин ауданында — 41, Амангелді ауданында 27 үйдің құрылысы басталған. Бірнеше отбасыға Арқалық қаласынан пәтерлер берілген.
Тағы біраз тұрғындар өздері таңдаған үйлеріне кіріп, қалыпты тіршілігін бастаған. Жалпы елдің көңіл-күйі жақсы. Тиісті көмек қанша мөлшерде, қалай берілетіні анықталып, оны көпшілік халық қабылдап отыр.
Гуманитарлық көмек жергілікті тұрғындардан, кәсіпкер азаматтардан, «Қазақстанның Қызыл Айы» қоғамынан, «Тараз әлеуметтік кәсіпкерлік корпорациясы» АҚ-нан және белгілі меценант Жамбыл облысының іскер әйелдер қауымдастығының төрайымы М.Лештаевалардың көмегімен жиналған.
