Қонақта жұмысшы мамандықтарының иелері, яғни Маликовтар (механизатор болып қызмет еткен) отбасы, Елеуқұловтар (электрик болып қызмет еткен) отбасы, Тайшыбековтар (зоотехтик болып қызмет еткен) отбасы болды.
Кездесуге Байзақ аудандық ардагерлер кеңесінің төрағасы Б.Омаров, аудандық аналар кеңесінің төрайымы Ш.Қапарова және мәдениет қайраткері А.Исабаев, дәстүрлі әнші М.Көпешов қатысып, өз ойларын ортаға салды.
Кездесуде әңгіме Жұмысшы мамандықтары жылында атқарылып жатқан тірліктер, еңбек адамдарының мәртебесін көтеру, отбасы құндылықтары, отбасы берекесі, отбасы бақыты, отбасы беріктігі және отбасындағы әке мен шешенің ролі, отбасындағы ене мен келіннің ролі, жастардың отбасындағы тәрбиесі туралы сұрақтар төңірегінде өрбіп, замандастардың ұрпақтар сабақтастығы туралы түйінімен аяқталды. Әншілеріміз ән салып, тілектерін арнады.
Өнегелі отбасыларымызға партия атынан мерекелік марапат қағаздары ұсынылып, арнайы сый-құрметтер жасалды. Қатысушылар естелік суреттеріне түсіп, алғыстарын білдірді.
Фото: ҚазАқпарат
