Электромобильдер санының қарқынды өсуіне қарамастан, тиісті инфрақұрылым құру жұмыстары кешеуілдеп жүргізілуде. Деректерге сәйкес, Қазақстанда қазіргі уақытта небәрі 200-ге жуық зарядтау станциялары бар. Бұл әрине электрокарлар санын және өсу динамикасын ескерсек жеткіліксіз, себебі бір станцияға орташа есеппен 45 көліктен келеді екен.
Мысалы, Германияда қоғамдық орындарда 22 көлікке бір зарядтау станциясы келсе, ал бұл бағыттағы ең прогрессивті мемлекеттердің бірі Қытайда бір автомобильге үш-бес зарядтау станциясы бар.
Біз осы көрсеткіштерге ұмтылуымыз керек, — дейді сенатор Арман Өтеғұлов. Бұнымен қоса алыс қалаларалық жолдар, соның ішінде республикалық жолдар бойында станция құру қажеттілігі тағы бар. Енді жолдарды жобалау кезінде бұл мәселе ескерілетін болады. Қазіргі уақытта мұндай көлік иелеріне тұрғын-үй тұрағында зарядтау мүмкіндігі жоқ. Сондықтан бұдан бұлай тұрғын үй құрылысын жоспарлау кезінде зарядтау
АҚШ-та электромобиль индустриясын қолдау шаралары: салықтық жеңілдіктер, субсидиялар және электромобильдерді өндіру мен сатып алуды ынталандыруға және инфрақұрылымды дамытуға бағытталған әртүрлі бағдарламаларды қамтиды.
Түркия мемлекетінде зарядтау станцияларының инфрақұрылымын Үкімет жеке компаниялармен серіктестік арқылы дамытуды жолға қойған. Бұл электромобильдерге қол жетімділік пен ыңғайлылықты қамтамасыз ету үшін автомобиль жолдары мен қалаларда зарядтау станцияларын салуды қамтиды.
Естеріңізге сала кетейік, өткен аптада Сенат депутаттары «Қазақстан Республикасының кейбір заңнамалық актілеріне көлік және электрмобильдерге арналған инфрақұры-лымды дамыту мәселелері бойынша өзгерістер мен толықтырулар енгізу туралы» заңды қарап, мақұлдаған болатын.
