Бүгінде мамандандырылған «Сапсан» жедел қызметінің жұмысы ескеруге тұрарлық. Аталмыш мекеме жоспарлы және жоспардан тыс табиғи қорықтарда рейдтік іс-шаралар өткізуде.
Өткен жылдың қорытындысымен мекеме 95 рейд жүргізіп, нәтижесінде 107 әкімшілік хаттамасын толтырған. Ал жыл басына бері 63 рейдттік іс-шаралар ұйымдастырылып, табиғат қорғау заңдарының талаптарын бұзғандарға 112 хаттама толтырылып, жыл басына бері 63 рейдттік іс-шаралар ұйымдастырылып, табиғат қорғау заңдарының талаптарын бұзғандарға 112 хаттама толтырылып, 1 348 250 тенге айыппұл салынып, оның бүгінде 945 620 теңгесі өндірілген.
Мекеме директоры Әліби Сағындықовтың айтуынша, бұл рейдтік іс-шара кезінде қаруды заңсыз алып жүру фактілері де орын алған.
— Жүргізілген рейдтер барысында Заң бұзушылардан тәркіленіп алынған 54 аңшы мылтықтың 49-ы заңсыз. Қарулардың барлығы аудандық полиция бөлімшелеріне өткізілді. 54 азаматқа аң аулау қағидасын бұзғаны үшін хаттама толтырылды. Оларға 645 мың теңге айыппұл салынды. Қызыл кітапқа енген Бұлдырық құсы мен Қарақұйрық аңын атқандарды ұстағанын ерекше атап өткен жөн. Құсты атқаны үшін 709 мың теңге айыппұл арқаласа, Қарақұйрықпен ұсталған азаматқа қылмыстық іс қозғалып, сот шешімімен 3,3 млн теңге айыппұл салынып, өндірілген. Бұдан бөлек, Мойынқұм ауданы «Қоңырбай» қыстауының маңында 1 азаматтың заңсыз жабайы доңыз атқаны анықталып, оған 694 мың теңге айыппұл салынды.
Былтыр Қызыл кітапқа енген жануарларды аулау оқиғалары Сарысу, Тұрар Рысқұлов, Мойынқұм, Байзақ аудандарында тіркелген еді. Бірақ, мекеме басшысының айтуынша, биыл Шу ауданында – 2, Талас ауданында– 1 жабайы қоян атқаны үшін 3 азаматқа хаттама толтырылды; Меркі ауданында — 1 азамат заңсыз құралдармен балық аулағаны үшін акт толтырылды; Мойынқұм ауданында, «Андасай» ерекше қорғалатын табиғи аймақтан 3 жабайы үйрек атқаны үшін — 1 азаматқа хаттама толтырылды.
Билікөл, Бөгеткөл және Ақкөл өз ара байланыстыратын (прорама) өзендерінде және оның құймаларында 1 наурыздан 1 шілдені қоса алғандағы тыйым салынған мерзімде қармақпен заңсыз балық аулағаны үшін 37 азаматқа хаттама толтырылып, айыппұлдар салынды. Орман қоры жерінен, орман билетiмен ғана жол берілген учаскелерде заңсыз саңырауқұлақ жинау 13 факті тіркеліп, ескерту жұмыстары жүргізілген.
