Ауыр қылмыстар 10,4 пайызға, ауырлығы орташа қылмыстар — 21,9 пайызға, пәтер ұрлығы — 2,6 пайыз, ұялы телефон ұрлығы — 39,3 пайызға, мал ұрлығы — 19,4 пайызға төмендеді. Сондай-ақ алаяқтық деректерінің тіркелуі 12,1 пайызға қысқарған.
Дегенменде кемшіліктер де жоқ емес.
Кейбір қылмыстық істер бойынша сараптаманың уақтылы тағайындалғанына қарамастан, тергеу әрекеттері ұзақ уақытқа созылады. Сондай-ақ, оқиға орнында қызметкерлер қойылған міндеттерді толық көлемде орындамайды. Жедел қызметтерге деректермен уақтылы алмасу тапсырылды.
Жамбыл облысы Полиция департаментінің бастығы балалардың құқықтарын қорғау үшін полицияның мемлекеттік органдармен және үкіметтік емес ұйымдармен өзара іс-қимылын күшейтуді тапсырды. Оның ішінде бопсалау мәселесіне мұқият назар аудару керек. 5-11 сынып оқушылары арасында анонимді сауалнама өзекті мәселелерді уақытында анықтауға көмектеседі.
Мүлікті ұрлауға қатысты алдын алу жұмыстарын жандандыру қажет. Қызметкерлер әрдайым кінәні жәбірленушілердің өздеріне жабады. Бірақ халықпен тығыз жұмыс істеу арқылы қылмыстың алдын алуға болады. Бұл мәселе мал ұрлығына да қатысты. Қазір соғым маусымы жүріп жатыр. Иесіз, ешбір қараусыз мал жаюға жол бермеңіздер, мамандандырылған тұраққа жіберіңіздер, олардың иелерін іздеңіздер, бірақ қылмыскерлерге мүмкіндік бермеу керек, — деді ПД бастығы.
Мал мен ет өнімдері сатылатын базарларда, сауда орталықтарында рейдтік іс-шараларды ұйымдастыру міндеті қойылды.
Естеріңізге сала кетейік, Жамбыл облысының Полиция департаменті 2024 жылдың 9 айындағы жедел-қызметтік жұмыстың қорытындысын шығарды.
Фото: Жамбыл облыстық ПД
