Орталық директорының айтуына қарағанда сонымен қатар, мүгедектерге арналған субсидияланған арнайы жұмыс орындарына 11 адам жоспарланып, оған 4 адам жолданған. Бұл дегеніміз жоспардың 36,4 пайызы.
Ағымдағы жылы халықтың әлеуметтік осал топтарына жататын 1636 адамға екі лекпен қайтарымсыз грант беруді көздеп отырмыз. Яғни, бірінші лек бойынша 504 адамға, екінші лек бойынша 1132 адамға жалпы 2,5 млрд. теңге көлемінде қайтарымсыз грант берілмек.
«Жаңа бизнес-идеяларды іске асыруға арналған гранттар үкімет белгіленген қағида талаптарына сәйкес жүзеге асырылады. Бұл қайтарымсыз гранттар халықтың осал санатына бағытталған. Егерде сол санаттарға жататын болса қатысуға болады. Яғни, атаулы әлеуметтік көмек алушылар, көп балалы аналар, асыраушысынан айрылу жағдайы бойынша әлеуметтік төлем алушылар, қоныс аударушылар, қандастар, еңбекке қарсы көрсетілімдері жоқ мүгедектігі бар адамдар, мүгедектігі бар бала тәрбиелеп отырған адамдар және оның жұбайы грант алуға мүмкіндіктері бар» дейді бұл жөнінде Жамбыл облыстық еңбек мобильдігі орталығының директоры Серік Әлібеков.
Сондай-ақ, жұмыссыз азаматтардың біліктілігін арттыру, жаңа мамандық беру мәселелері де қарастырылған. Биылғы жылы 1315 адамды кәсіптік оқытумен қамту жоспарланып отыр. Оның ішінде 980-і білім беру ұйымдарында оқыту, 335-і жұмыс берушілердегі жұмыс орнында оқыту жоспарланған.
Бүгінгі күнге осы жоспарланған адамдардың 203-і оқыту курстарына жолданды. Бұл ретте әр оқытылып жатқан азаматқа шәкіртақыға дейін қаралған, Яғни, айына 43574 мың теңге, жол жүру ақысы 15728 мың теңге төленбек.
Ерекше жандарға табыс табуда тең мүмкіндіктер жасаудың басты шарттарының бірі – оларды жұмыспен қамтудың белсенді шараларына тарту. Бұл бағытта мүгедектігі бар жандарды және бас бостандығынан айыру орындарынан босап шыққан және пробация есебіндегі азаматтарды тұрақты жұмыспен қамту мақсатында 2025 жылы 101 адамды жұмыспен қамту көзделіп, 28 адам жұмыспен қамтылды.
Тағы бір айтары, биыл арнайы жағдайдағы балалар – көп балалы, аз қамтылған отбасылардан шыққан, жетім немесе ата-анасының қамқорлығынсыз қалған балалар лагерьлерде сауықтырылмақ. Нақтырақ айтсақ, биыл Жамбыл облысында 1-ден 10-сыныпқа дейінгі 217 757 оқушының 193 067-сі, яғни 88,6 пайызы жазғы сауықтыру және демалыс шараларымен қамтылмақ.
Бұл туралы Өңірлік коммуникациялар қызметінің ақпарат алаңында Жамбыл облысы әкімдігі білім басқармасының басшысы Нурбек Оршубеков хабарлады.
Облыстағы 12 қала сыртындағы сауықтыру лагерьлерінің 7-сі маусым айында балаларды қабылдау үшін дайындық үстінде. Олардың ішінде «Мөлдір бұлақ» оқу-сауықтыру орталығы жыл бойы жұмыс істейді. Қалған алты лагерь маусымдық жұмыс істейді: мемлекеттік «Балауса», «Жұлдыз», «Жұрындысай» және жекеменшік «Болашақ», «Берікқара», «Тау самалы».
Арнайы жағдайдағы балалар – көп балалы, аз қамтылған отбасылардан шыққан, жетім немесе ата-анасының қамқорлығынсыз қалған 7 669 бала осы лагерьлерде сауықтырылмақ. Балалардың жазғы демалысы мен сауықтыру шараларының сапалы әрі қолжетімді болуы үшін барлық қажетті шаралар атқарылуда.
Фото: zhasalash.kz
