Егер ондай шарт болмаса, Комитет күнделікті CoinMarketCap (coinmarketcap.com) ашық ақпарат көзінен бір тәуліктегі (24 сағат) цифрлық активтердің құнын анықтайды. Ол үшін цифрлық активтердің нарықтық капитализациясы және цифрлық активтердің айналымының көлемі басты назарға алынады.
Осыған дейін цифрлық активтердің құнын және олардың түрлерінің тізбесін айқындау, жариялау тәртібі «Астана» Халықаралық қаржы орталығымен бірлесіп, бекітілген болатын («Астана» ХҚО-ның 23.06.2023ж. №208 бұйрығы, ҚР ҚМ-нің 31.05.2023ж. №578 бұйрығы).
Белгілі бір шетел валютасына тіркелген құны бар цифрлық активтер айналым жасалған күннің алдындағы соңғы жұмыс күні айқындалған тиісті шетел валютасын айырбастаудың нарықтық бағамын қолдана отырып, Қазақстан Республикасының Ұлттық валютасына қайта есептеледі.
Bitcoin (BTC), BitcoinCash (BCH), Dash (DASH), Dogecoin (Doge), EthereumClassic (ETC), Horrizen (ZEN), Litecoin (LTC), Monero (XMR), Litecoin (LTC), Siacoin (SC), Thronix (TRX), Zcash (ZEC) цифрлық активтерінің құны сайтта жарияланады.
Ақпаратты сілтеме бойынша алыңыз: https://token.qoldau.kz/ru/references/crypto-currency/list.
Толық ақпаратты Instagram желісінде МКК-нің @press_kyzmet_kgd парақшасында 2023 жылдың 27 қыркүйегінде сағ.12-00-де өтетін тікелей эфир кезінде алуға болады.
