«Шынында қазіргі заманғы кітапханалар ақпарат пен құжаттарға сұранысты қанағаттандыру үшін оқырмандардың барлығына дерлік қолжетімді болу керек» дейді бұл жөнінде Жамбыл облыстық көзі көрмейтін және әлсіз көретін азаматтар кітапханасы директорының орынбасары Толқын Кузенова.
«23 сәуір – Ұлттық кітап күні» және Мемлекет басшысы Қасым-Жомарт Тоқаевтың 2025 жылғы 28 қаңтарда көру қабілеті нашар адамдарға кітаптар мен басқа да баспа материалдарына қол жеткізуге кедергі келтіретін құқықтық кедергілерді жоюға бағытталған Марракеш шартын ратификациялау туралы заңына сәйкес заманауи технологияларды пайдалана отырып, зағип жандарға электрондық кітапханаларға қолжетімділікті арттырып, оқырмандарға «Мобильді кітапхана» тақтасын арнайы зағиптар орталықтарына орнатты.
Жас деңгейіне қарай 50 атау түрінен қойылған мобильді кітаптар қазақ және орыс тілдердегі шығармалар жинағы кітапхананың арнайы аудиостудиосында жазылып, мобиьлді тақтаға QR – кодтар арқылы еңгізілді. Аталған жобаның ерекшелігі ұсынылған әдебиеттер оқырман сұранысына қарай және ай сайын ауысып тұрады.
Жобаның тиімділі арнайы мекемеге келген оқырман және мектеп оқушылары еш кедергісіз қалаған шығармаға қол жеткізе алады және сөреде көрсетілген мекен-жәй арқылы тыңдағысы келетін шығармаға ұсыныс немесе тапсырыс бере алады, солай кітапхана оқырмандары қалыптасып келеді. Республика бойынша алғашқы болып мүмкіндігі шектеулі зағип балалар мен жасөспірімдерге 4 форматты инклюзивті (үлкен қаріпте жайпақ баспалы, бедерлі нүктелі Брайль қарпінде, бедерлі графикалық суретті және дыбыстандырылған аудио нұсқада) ертегі кітаптарын шығарды. Ертегілердің барлығы дерлік әріптестеріміз кітапханашылардың даусымен арнайы кітапханада ашылған аудио студиода жазылған, — дейді Жамбыл облыстық көзі көрмейтін және әлсіз көретін азаматтар кітапханасы директорының орынбасары Толқын Кузенова.
Сонымен қатар кез келген смартфондардағы мәтіндік хабарландыру, сурет, видео және аудио жөнелтуге болатын WhatsApp мессенджер бағдарламасын пайдалана отырып «Кітапхана оқырмандары» чаты жұмыс істеп келеді. 62 оқырманды қамтитын аталған чатта жұмыс күндерінің таңғы уақытында кітапхана мамандары арнайы шығармаларды нақышына келтіріп дауыстап оқыса, оқырмандар тарапынан сол шығарманың желісі бойынша кері байланыс орнатылып, оқылған шығарма кешкі уақытқа дейін өз ара пікір таласпен әдеби дискуссиялармен талқыланады. Нәтижесінде біз бір күнде оқырмандар чаты арқылы 62 оқырманмен сұраныстарына қарай бірнеше әдебиеттерді насихаттаймыз.
«Жамбыл радиосы» арқылы жүзеге асырылып келе жатқан «Book Fm» жобасы өз нәтижесін жоғарғы деңгейде көрсетіп келеді. Жоба барысында бүгінгі күнге дейін 12 сұхбат пен 82 әңгімелер мен поэзиялар оқылған. «Жамбыл радиосының» 100,8 FM толқынында таратылатын шығармалар, тыңдармандардың әдебиетке деген қызығушылықтарын арта түсуде.
Кітапханашылардың біліктілігін көтеру мақсатында кітапханшылар арасында «Инклюзивті білім беруді жүзеге асыратын педагогтардың негізігі міндетін қалыптастыру» семинар-практикум өткізілді. Нәтижесінде облыстық орта мектептердің кітапханашыларымен педагогтары икнлюзиялық жұмыс түрлерімен танысты.
Шығармашыл ұжым Қазақстан Республикасының Мәдениет және ақпарат министрлігінің ұйымдастыруымен өткен «Рухани қазына – 2025» мәдениет және өнер ұйымдары мен қызметкерлерінің республикалық фестиваліне қатысып «Айрықша қажеттілігі бар азаматтарға арналған үздік кітапхана» номинациясында бас жүлдеге ие болып, 1 миллион теңге көлеміндегі құнды сыйлыққа ие болды.
Фото: dknews.kz
