Шара барысында «Atyrau Open» (2-ші дәрежелі спортшылар үшін), «Atyrau Juniors» (3-ші разрядтан төмен емес, 2006 ж.т. және одан кіші спортшылар үшін) фестивалінде өткен турнирлер, сонымен қатар блиц-турнир (3 разрядтан төмен емес спортшылар үшін) қорытындыланады. Номинациялар арасында «2008 жылғы қыздар арасындағы үздік нәтиже», «2008 жылғы ұлдар арасында үздік нәтиже», «Әйелдер арасында жүлделер», «Қыздар арасында жүлделер», «Атырау облысының шахматшылары арасындағы жүлделер», «Қазақстан шахматшылары арасындағы жүлделер» және «Бас жүлделер» тапсырылады.
Жабылу рәсіміне Атырау облысы әкімдігінің өкілдері, сонымен қатар фестиваль серіктестері (ҚБТУ, AVC Production ЖШС) қатысады. Бірнеше дүркін әлем чемпионы, 2019 жылы әйелдер арасындағы классикалық шахматтан Азия чемпионатын жеңіп алған Қазақстанның тұңғыш өкілі Динара Сәдуақасованың сөз сөйлеуі күтілуде.
Еске салайық, фестивальдің жалпы кепілдендірілген жүлде қоры 13 257 500 теңгені құрады. Сонымен қатар, Қазақстан-Британ техникалық университеті (ҚБТУ) жоба аясында арнайы бакалавриат пен магистратураға гранттар бөледі.
Фестивальге Қазақстан, АҚШ, Нидерланды, Литва, Украина, Өзбекстан, Тәжікстан, Беларусь және Ресей елдерінен келген 300-ге жуық спортшы қатысты. Турнирлердің нәтижелері швейцариялық жүйе бойынша бағаланды. Фестиваль барысында жарыстармен қоса шеберлік сыныптары, бір мезгілде өтетін ойын сеанстары мен шахмат семинары өтті.
