Басылымның мәліметінше, екі адамның денесі Сұлтан Сәрсемәлиев пен оның жұбайы бұрын жалға алған Геолог ауданындағы үйдің ауласынан табылған. Марқұмдардың денесі қай жерде екенін күдікті Сәрсемәлиевтің өзі мойындап, тергеу кезінде айтқан.
Осы ақпаратты алғаннан кейін Атырау тергеушілері ол жерде қайтадан жұмыс жүргізіп, екі денені тапты.
Бұған дейін күдіктінің бұрын тұрған ауданында іздеу жұмыстары белсенді жүріп жатқаны айтылған болатын. Ол үшін күш-құралдар, арнайы техника жұмылдырылды. Атап айтқанда, жер асты нысандарын анықтауға арналған георадар пайдаланылды.
Сонымен қатар кеше Жангелдин ауылында тұрған ерлі-зайыпты зейнеткерлерді қатыгездікпен өлтірді деген күдіктілердің Индонезиядан Қазақстанға жеткізілгені белгілі болды.
Фото: azh.kz
