Сенатор Нухұлы депутаттық сауалды жария ете отырып, ғұлама ғалым ғылымды насихаттап қана қоймай, өзін дарынды жазушы, аудармашы және әдебиеттанушы ретінде танытқанын атап өтті. Оның еңбектері мен ұйымдастырушы қабілеті еліміздің зияткерлік және мәдени өмірін байыта түсті. Сенатор ғалымның 100 жылдық мерейтойы болашақ ұрпаққа арналған мұраны сақтайтын бастамаларды жүзеге асыруға мүмкіндік беретінін атап өтті.
«Евней Бөкетовтың 100 жылдығына орай елімізде жарияланым көрмеген еңбектерін және жаңадан жеті томдығын шығаруды, естеліктер жинағы мен «Бөкетов энциклопедиясын» баспадан шығаруға дайындауды ұсынамыз. Салынып жатқан заманауи мектептерге есімін беріп, сол мектептерде музей мен бұрыштарды ашуды қолға алу, еңбегі сіңген Балқаш қаласы мен туған жері Петропавлда еңселі ескерткішін тұрғызу керек. Театрларда қойылған драматургиялық пьесаларын қайта жаңғырту және деректі фильмді түсіру, баспасөз беттерінде кеңінен насихаттау жұмыстарын жүргізіп, телевизиялық және радио бағдарламалар шығарылымын ұйымдастыру керек», — деді сенатор Нухұлы.
Фото: Новое Телевидение
