Сонымен сотта не анықталды? 1966 жылы туылған сотталушы Д., 2021 жылдың қыркүйек айында оңай жолмен пайда табу мақсатында, Талас ауданы Бостандық ауылының тұрғыны жәбірленуші Ш.-ны Шымкент қаласындағы университеттің магистратурасына түсіріп, дипломын алып беретініне сендірген. Оған сенген жәбірленуші жалпы 1,2 млн. теңге қаражатын Д.-ға берген.
Сонымен қатар, Д. 2022 жылдың қыркүйек айында Қаратау қаласының тұрғыны — жәбірленуші Т.-ге де осындай уәдесін беріп, соңғыдан жалпы 895 мың теңге қаражатын алған.
Кейін жәбірленушілер өздерінің университеттен ақы төлемегендіктен шығарылғандарын біліп, полицияға шағымданған.
Сотта істі қарау барысында, сотталушы Д. жәбірленушілерге келтірілген залалды өз еркімен толық өтеген.
Сотталушы Д. кінәсін толық мойындап, жасаған ісіне өкінді.
Сот шын жүректен өкінуді, кінәсін мойындауды және залады толық өтеуді жеңілдететін мән-жайлар ретінде анықтады. Ауырлататын сотпен анықталмады.
Сот үкімімен сотталушы Д. кінәлі деп танылып, оған 3 жыл мерзімге бас бостандығын шектеу жазасы тағайындалды.
Үкім заңды күшіне енді.
Фото: Almaty.tv
