— Мемлекет экономиканың 30 секторының 20-на қатысады, Экономикалық ынтымақтастық және Даму ұйымдары (ОЭСР) елдерінде орташа көрсеткіш — 13 құрайды, — деп жазылған депутаттық сауалда. — Қазақстанда Yellow Pages қағидаттары сақталмайды, бұл жеке кәсіпкерліктің дамуына кері әсер етеді, инновацияларды тежейді және еңбек өнімділігінің өсуін төмендетеді, нәтижесінде болашақта экономиканың дамуы бәсеңдетіледі. Бүгінгі күнге дейін мемлекеттік автобус парктері, микроқаржы ұйымдары, аумақтарды тазалау және абаттандыру ұйымдары, қонақ үйлер мен санаторийлер, күзет агенттіктері бар, олар өз қызметіне тікелей тапсырыстар мен субсидиялар алады!
Мысалы, 2024 жылы «Қызылорда электр желісін тарату компаниясы» коммуналдық кәсіпорны құрылыс-монтаждау жұмыстары бойынша Мемлекеттік сатып алу шеңберінде жеке бәсекелестер бола тұра, 1 млрд. теңгеден астам сомаға 300 келісімшартты алған!
Дәл осылайша «Алматыэлектротранс» — Алматы қаласы әкімдігінің коммуналдық кәсіпорны 2018-2023 жылдары аралығында бюджеттен 378 млрд теңге көлемінде субсидия және көмек алды.
Яғни, қаржы лизингі нарығының 95%-ы екі квазимемлекеттік ұйымына тиесілі.
Сондықтан «Respublica» партиясы Фракциясының депутаттары Қазақстан жаппай жеке кәсіпкерлікті дамыту жолымен жүріп жатыр ма, әлде біз мемлекеттік капитализмді құруды жалғастыра бере ме, нақты шешім қабылдау керек деп санайды. Өйткені нарықтық экономика мемлекет жеке бизнеспен бәсекелесуді тоқтатқан жағдайда ғана мүмкін болады.
Осыған байланысты жұмыс істеп тұрған мемлекеттік кәсіпорындар мен квазимемлекеттік компанияларға толық ревизия және талдау жүргізуді, олардың мақсаттары мен міндеттерін қайта қарауды, біртекті квазимемлекеттік компанияларды реформалау және біріктіру, қайталанатындарын жоюды талап етеді. Сондай-ақ, мемлекеттік кәсіпорындар мен квазимемлекеттік компаниялар үшін рұқсат етілген қызмет түрлерінің тізбесін қайта қарауды, жеке баламалар болмаған кезде мемлекеттің тек әлеуметтік объектілерге қатысу мүмкіндігін қалдыруды, басқа барлық объектілерді жекешелендіру жоспарына енгізуді сұрайды.
