Оның ішінде өндірісті және ауыл шаруашылығын терең қайта өңдеуді дамытуға басымдық берілуде. Аталған жобаларды іске асыру 23 мыңнан аса жаңа жұмыс орнын ашып, жергілікті бюджет кірістерін қосымша 100 млрд. теңгеге ұлғайтуға мүмкіндік береді.
Салалар кесіндісінде негізгі үлес өнеркәсіп, энергетика, агроөнеркәсіптік кешен және туризмге тиесілі. Түркістан облысында қолайлы инвестициялық климатты қалыптастыру үшін барлық жағдайлар жасалуда. Ағымдағы жылдың 3 сәуірінде бизнес-форум өтіп, 6 елден 100-ден аса инвесторлар қатысты. Инвесторларға облыстың әлеуеті хабарланып, мемлекеттік қолдау шаралары баяндалды. Маңызды жобаларды бірге іске асыру үшін келіссөздер жүргізілді.
Жалпы, отандық және шетелдік инвесторларды тарту бойынша ауқымды жұмыстар жүргізілуде. Созақ ауданында жоба құны 140 млрд. теңге құрайтын Фосфорит рудаларын өңдейтін зауыт құрылысы басталды. Бұл 1 000 тұрақты жұмыс орны деген сөз. Бұл жоба, ішкі нарықты жоғары сапалы тауарлармен және қызметтермен толтыра отырып, экспортқа бағдарланған және импортты алмастыратын өндірісті дамытуға септігін тигізеді.
Аталған жобаға мемлекет тарапынан кен орындарға жақын 300 га жер телімі бөлінді, болашақта барлық қажетті инфрақұрылымдармен қамтамасыз етіледі. Жобаны жүзеге асыру кезінде мемлекет тарапынан кеткен қаржы мультипликативті әсер ретінде аудан экономикасына қайта инвестицияланып пайда түрінде алынған әсер арқылы қол жеткізіледі.
Бұдан бөлек, Түлкібас ауданында 136 млрд.теңгеге каустикалық сода, ПВХ, цемент, карбид және әк шығаратын зауыт құрылысы жүргізілуде.
Өңірдің өнеркәсіптік әлеуетін дамыту мақсатында 14 индустриалдық аймақ ашылған. Ағымдағы жылы аумағы 830,6 гектарды құрайтын жаңа 6 аймақ құрылды. Аймақтарда құны 146,2 млрд. теңгені құрайтын жалпы 96 жобаны іске асыру жоспарланған. Бұл 6 017 жұмыс орны деген сөз. Оның ішінде, ағымдағы жылы 1 175 жұмыс орнымен 14 жобаны іске қосылады (48 млрд. теңге). Ағымдағы жылы жалпы құны 16,5 млрд.теңге құрайтын 4 жоба іске қосылды (824 жұмыс орны). Қосымша 3 жобаны іске қосу жоспарлануда (жалпы құны 5,7 млрд. теңге, 30 жұмыс орны).
Қосымша Төлеби ауданында 1 индустриалдық аймақты ашу және Түркістан қаласы мен Ордабасы ауданындағы 2 аймақты кеңейту жұмыстары жүргізілуде.
— Түркістан қаласын түркі әлемінің рухани астанасы ретінде одан әрі қалыптастыру, қаланың жедел дамуын және инвестициялық әлеуетін арттыру мақсатында «TURAN» арнайы экономикалық аймағы құрылған. Жалпы құны 1 077, 4 млрд.теңге (12 853 жұмыс орнын) құрайтын 186 жобадан тұрады, оның ішінде жалпы сомасы 1 044,5 млрд. теңгеге 141 жоба жүзеге асырылуда. Ағымдағы жылы 255,9 млрд. теңгеге 40 жоба іске асырылды. Бұдан бөлек, жоба құны 230,1 млрд. теңгеге әлеуетті 20 инвестициялық жоба пысықталуда, — дейді бұл жөнінде Түркістан облысының әкімі Нұралхан Көшеров.
Тағы бір айтары, өңірде туризм саласы қарқынды дамып келеді. негізгі бағыт айқындалған: тарихи-танымдық, экологиялық және емдік-сауықтыру туризмі. Жыл басынан 600 мыңнан астам турист келіп, туристік қызметтен түскен табыс 3 млрд. теңгені құрады. Туристерге қосымша өнімдер және жаңа туристік бағдарламаларды ұсыну мақсатында ірі жобалар қолға алынды. Ағымдағы жылы 27 инвестициялық жобаны іске асыру жоспарланған.
Жыл басынан 33 млрд. теңгеге заманауи 3 қонақ үй іске қосылды. Бұдан бөлек, Түркістан қаласында Есу каналы, Қолөнершілер орталығының құрылысы аяқталды. Демеушілер есебінен Түркістан қаласында жалпы алаңы 3 000 шаршы метр, сыйымдылығы 500 орынды «Қылует» мәдени-рухани орталығы салынды. Арнайы көрме орталығында 28 тарихи жәдігерлер мен 43 мәдени-рухани әдебиеттер орналыстырылған. Нысан аумағында Яссауи ілімін зерттейтін, діни терең білім беретін 90 орынды жатақханасымен Ислам институтының құрылысы аяқталды.
Фото: BAQ.KZ
