Ұлттық спорт түрлері қауымдастығының президенті Бекболат Тілеухан асыл тұқымды жылқыларының құнын атады, деп хабарлайды ҚазАқпарат.
«Иә, аттарым бар. Лаулат дейтін Қостанай тұқымды айғырым бар. 900 мың теңгеге сатып алдым. Салкүрең деген атым да Қостанай жылқысының тұқымы, өте төзімді болғандықтан 550 мың теңгеге сатып алғанмын. Ал Тасуа деген атымды Шешенстандағы таныс бауырларым сыйға тартқан еді. Келешекте бәйгеге қосамын, ағылшын жылқысы. Менің естуімше, құны 8 мың еуро шамасында. Бақторы деген де атым болды. Құнын білмеймін қанша екенін. Оны да Нұрбол Болатұлы (Назарбаев) сыйлаған болатын»», — деді Бекболат Тілеухан Орталық коммуникациялар қызметіндегі баспасөз мәслихатында БАҚ өкілдерінің сауалына орай.
